الشروط والأحكام
١. النسخة الأساسية مجانية ومقدَّمة «كما هو»
Agendty أداة مساعدة لتنظيم الحضور والغياب والتحصيل والمذكرات. بنبذل جهدنا إنه يشتغل صح، لكن من غير ضمان إنه خالي من الأخطاء أو إنه يناسب كل احتياجاتك.
أول 10 طلاب مجاناً. بعد كده الاشتراك المدفوع بيتحسب على كل طالب بالشرائح: من 11 إلى 50 طالب بـ 2 جنيه للطالب، ومن 51 إلى 300 بـ 1.5 جنيه، وأكتر من 300 بـ 1 جنيه. الاشتراك المدفوع شهري، وبيتفعّل تلقائي بالدفع أونلاين من حسابك (عن طريق Paymob). بيشتغل لحد تاريخ الانتهاء، وبعدها بترجع للخطة المجانية من غير ما تخسر أي بيانات. مفيش تجديد أو خصم تلقائي: التجديد بيتم لما تدفع بنفسك. لو جدّدت قبل الانتهاء، الأيام الباقية بتتضاف للشهر الجديد. لو حصل خصم ومتفعّلش الاشتراك، تواصل معانا برقم العملية وهنراجعها.
٢. البيانات على جهازك وانت المسؤول عنها
- بياناتك بتتخزّن على جهازك بس، ومحدش غيرك يقدر يسترجعها لو ضاعت.
- مسح بيانات المتصفح أو تغيير الموبايل أو حذف التطبيق ممكن يمسح بياناتك في Agendty.
- خد نسخة احتياطية بانتظام من «الإعدادات ← تصدير كل بياناتك». التطبيق بيفكّرك، لكن مسؤولية النسخة عليك.
٣. مش بديل للمحاسبة الرسمية
الأرقام والتقارير للمتابعة الشخصية، مش دفاتر محاسبية ولا مستندات ضريبية رسمية. راجع حساباتك قبل ما تعتمد عليها في أي قرار.
٤. طرق الدفع
فودافون كاش وإنستاباي في التطبيق ملاحظات للتسجيل فقط (ما عدا دفع اشتراك Agendty نفسه أونلاين عبر Paymob). التطبيق مش بيحوّل ولا بيستلم ولا بيتأكد من أي دفعة بين الطلاب وأولياء الأمور، ومش مسؤول عن أي معاملة مالية بينك وبين الطلاب أو أولياء الأمور.
٥. استخدامك للتطبيق
- استخدم بيانات الطلاب وأولياء الأمور في المتابعة التعليمية والتحصيل فقط.
- انت المسؤول عن موافقة أولياء الأمور على الرسائل، وعن محتوى أي رسالة بتبعتها (التطبيق بيجهّز نص وانت بتبعته من واتساب).
- متحاولش تخترق التطبيق أو تستخدمه بشكل يضر الآخرين.
٦. حدود المسؤولية
في أقصى حد يسمح به القانون، مطوّر التطبيق مش مسؤول عن أي خسارة بيانات أو أرباح أو أضرار ناتجة عن استخدام التطبيق أو عدم القدرة على استخدامه.
٧. الملكية والتحديثات
التطبيق تصميم وتطوير M. Ayman Stack. بياناتك تفضل ملكك. ممكن نحدّث التطبيق أو الشروط، واستمرارك في الاستخدام بعد التحديث معناه موافقتك عليه.